Friday, August 19, 2016

ملف نشاطات السفر للاطفال + مع انشطة للطباعة travel binder + with printable activities

السلام عليكم ورحمة الله وبركاته 
اهلاً يامامات 

اعتذر اني تأخرت عليكم في مواضيع المدونة 
وحاولت قد الامكان اني انزله قبل تنتهي الاجازة




ملف الانشطة نقدر نستخدمه بعد في البيت (للامانة فادني في البيت اكثر من السفر) ومرات يسمونه busy bag
بشكل عام هو يتكون من العاب نشاطات رسم والوان ممكن العاب اي شي يحبه طفلك
داخل ملف 
او
كل اربعه او ثلاثة انشطة داخل كيس مع سناك ولعبة (سبق وسويتها من تجربتي تنفع للمطارات فقط ) 
الملف اسهل واصغر في الحجم وكل يوم او يومين طلعي مجموعة معك وتشغله مره في المطاعم والمولات واوقات الصياح والطفش


اللي قبل مقدمة بسيطة 


نحتاج:
1- ملف
2- طابعة (اختاروا طابعة زينة طابعتي بغت تجلطني)
3- تغليف حراري (اختياري)
انا افضل التغليف الحراري اسهل للمسح واستخدامها مرة ثانية وبعد عشان نحافظ عليه اطول مدة ممكنة 
4- اقلام و الوان

*
الملف انا حرصت ادور ملف كبير يشيل وفيه سحاب عشان ماتطيح الاوراق والاقلام ولقيت واحد في التميمي واخذته (مابحثت في اماكن ثانية)
سعره 68 واشوفه يستاهل وقوي بس عيبهم الالوان ماتحمس صراحة


*
الانشطة تعتمد على عمر طفلك و ايش يميل له او نقطة انتي تبين تركزين عليها
مثلا يحب السيارات اختاري الانشطة اللي فيها سيارات 
او مايتقن الارقام الانجليزية تركزين على هالنقطة
وقيسي عليها



*
نبدأ بسم الله


اول صفحة حطيت فيها اسمه (كتبته بالوورد) اما الصورة هنا للطباعة 
وبعض الالوان الخشبية



هنا اذا فتحنا الملف . اليسار جيوب للاقلام ولبعض النشاطات 

حطيت فيه (اقلام سبورة قابلة للمسح, مناديل, الوان "اخذت حقات المطاعم الصغيرة او اي شي عندك", بالونات "تحتاج رقابة ومره مره تشغلهم" , سيارات صغار , تركيبة صغيرة عندنا, دفتر تلوين صغير, ستكرات ودفتر ستكرات صغير, مصاص عضوي, كاردات لها عدة استخدامات (ارقام حروف رسمات او نكتب شيء للمطابقة) هنا للطباعة blank cards



وايضا في الجيوب هالنشاطين استخداماتها مختلفة ممكن مثل الصور المرفقة او بالكور القطنية (للالوان والارقام) الاحرف للاسف ماخلصتها <هذولي انا صلحتهم بنفسي مالقيتهم جاهزات للطباعة بارفقها لكم هنا الالوان , الارقام 

(البنات ممكن نجيب لهم عرايس مثل باربي , ربر باندز , اي شي فيه اعمال يدوية) عالم البنات ماشاء الله جميل


اما اليمين فيه النشاطات اللي طبعتها ومقلمتين علقتهم تنفع للاقلام ايضا بس استخدمتها للانشطة الصغيرة


المقلمة الاولى:

1-سويت تركيبة باعواد الايسكريم وطريقتها جداً سهلة, بس بالاخير حطيت عليها ورنيش يحفظها  popsicles stick puzzel
الطريقة: اطبعي صورة للطفل او شخصيته المفضلة او رسمه قد لونها ولصقي على ظهر الصورة الاعواد بالصمغ, ثم اقلبيها وقصيها بالمشرط وبعدها اذا تبين حطي طبقة حماية (ممكن ترقيم الاعواد) (ممكن نسوي بعد على وجهين العصا بحيث يكون عندنا تركيبتين)

 
2- الدودة لتعليم الارقام بالكور , انا فقط طبعت رقم 10 وغلفته (ممكن لتعليم الارقام او تطابق الالوان) هنا للطباعة

3- الوجوه الفارغة لرسم الملامح والتعابير (مهم الطفل يعرف الحزن والغضب والفرح ليسهل عليه التعبير عن نفسه)  جبت وحدة افضل من اللي طبعتها لاني اخطيت وطبعتها صغيرة هنا للطباعة printable blank face

4- مجموعة انشطة توصيل ومطابقة طبعتها بحجم صغير لان فيه مثلها كبار بنفس الملف كنوع من التغيير (maze متاهة, trace to race الخطوط المتقطعة, Matching المطابقة) 



المقلمة الثانية: اضفت فيه 3 انشطة الصغار منهم حطيتهم بكيس منفصل,
1- نشاط النقاط printable activities dots , اخترت سيارة هنا للطباعة وخرمتها ممكن نستخدم خيوط لتقوية عضلات اليد او بالرسم بالقلم او بالكور
اعجبني نشاط lacing cards اللي هو ادخال الخيوط لتقوية العضلات وحلو يلونها الطفل قبل الطباعة. هنا للطباعة
2- بطاقات مطابقة الاشكال, واختاروا ورق ثقيل عشان ماتبين من ورا ايش هي هنا للطباعة 
3- خلط ومطابقة mix and match , هنا حلو يبدأ الطفل يدقق بلون الملابس والبشرة واكثر عدد بطاقات , هنا للطباعة


..............

اما الجزء الايمن فهي الانشطة الاساسية الكبيرة (اطبع كل ثنتين واغلفهم بورقة وحده افضل واحرص يكونون متقاربات) ولو بغيت وحده منهم بسهوله افك الملف واخذ الورقة نلعب فيها ونرجعها بعدين

اول شي الروتين نسوي فيها قصة مرات وخصوصا روتين المساء او نشوف الصور ونعلق عليها, هنا للطباعة

حلو نضيف الاساسيات مثل الارقام والاحرف والاشكال والاحرف , الارقام هنا للطباعة , شكل ثاني هنا للطباعة, الالوان هنا للطباعة , الاشكال هنا للطباعة , الايام هنا للطباعة  واخيرا الاحرف هنا للطباعة 

هنا لعبة اكس او , tic tac toe هنا للطباعة 


وهنا مجموعة اوراق من المتاهات printable kids maze , فيه سهل وصعب حسب عمر الطفل اختاري الانسب له 
مجموعة حلوة للطباعة في هالرابط



هنا ايجاد اختلافات بين الصورتين spot the difference for kids , هنا مجموعة للطباعة 

وهنا ايجاد الصورة المختلفة circle the picture that is different, هنا مجموعة للطباعة

هنا نشاط بسيط ايصال الشكل للمناسب له , هنا للطباعة

هنا الاشكال ,  واحد توصيل والثاني رسم , طباعة توصيل الاشكال هنا ,, طباعة رسم الاشكال هنا 


وهنا ايجاد المختفي hidden picture puzzles for toddlers 


وفيه انشطة لها قطع تركيب . حطيت الدبل تيب عشان تمسك الاشكال الصغيرة وكلها مغلفة حراري , مثل البيتزا (مشابهه لها هنا للطباعة) و الوجوه  (هنا للطباعة)  وحطيت القطع في كيس صغير 


الباقي من الموجود في المنزل من قصص وكتب تعليم احرف وسبورة صغيرة قابله للمسح


واخر شي حطيت قاعدة للتلوين لان مافيه شي يتكي عليه وايضا تمسك الورقة 
ومجموعة اوراق للتلوين coloring page free printable 
وبعض الصفحات البيضاء للرسم الحر 

والباقي حسب ابداعاتكم والانشطة الورقية ماتنتهي هذا جزء بسيط منه

......


 هذا الشغل والبحث استغرق مني فوق الاسبوعين خصوصا ان كلها مغلفة تغليف حراري وبعض الايام كنت اشتغل متواصل
 :( وبعضها تعبت عليها وماعجبته 
وللامانة مااستفدت منه بالسفر ابد اكثر شي استفرت منه داخل البيت 
وميزته انه مو استخدام واحد نكرر استخدام الصفحة اكثر من مرة , وايضا قابل للزيادة
 وجاكم جاهز بروابط للطباعة واسم النشاط و اتمنى يكون استخدام شخصي 
وياليت اللي تسوي وتطبع تفرحني بمشاركة الصور

واللي مالقت شيء مناسب لعمر طفلها تكتب عمره في قوقل مثلاً :
2 years old printable activities  



 لا تنسوني وذريتي من دعواتكم
والله يحفظنا ويحفظكم 

14 comments:

  1. حبيت جدا والله يعطيك العافية ياديمو ويبارك لك في جهئك و وقتك وذريتك.. ❤ وفرصة أعبر لك عن حبي لك في الله ومن الناس اللي ما أفوّت سنابك أو انستقرامك.. �� بالنسبة للأنشطة حبيتها بس اللي ماتقدر تطبع أو ماعندها الأدوات أو الوقت أو للأي سبب ما في كتب أنشطة جاهزة للأطفال استفدت منها كثير وموجودة بجرير وكبيرة فيها أنشطة متنوعة ولمختلف الأعمار مجرد إضافة بسيطة.. وأكيد النشاط اللي تجهزينه مع طفلك له متعه وطعم مختلف ��

    ReplyDelete
  2. جزاك الله خير ويبارك لك في ذريتك شي ممتع وجميل ان نشارك في صنع الالعاب للاطفال

    ReplyDelete
  3. الله يسعد قلبك ويبلغك خير بأولادك ❤️❤️❤️

    ReplyDelete
  4. جمييييل ماشاء الله يعطيك العافية .. واضح متعوووب عليه

    ReplyDelete
  5. ماشاء الله لاقوة الا بالله جاري التنفيذ باذن الله..واوافيك بالنتائج

    ReplyDelete
  6. ماشاء الله مبدعه وانشطه هادفه شكرا لك ولرقيك وفكرك ، بطبعها لاختي الصغيره وفاجئها فيها اخر زياره لها طلبتني نسوي اعمال فنيه ماسعفني الوقت وقتها ومن سافرت طلبها براسي فبعوضها ان شاء الله❤️ ومره شكرا مره ثانيه

    ReplyDelete
  7. ماشا الله شغلك رووووعه ياحلوك وياحلو افكارك جاري الطباعه والله يناولك بذريتك غاية مرادك

    ReplyDelete
  8. يعطيك العافية يجنن ماشاء الله

    ReplyDelete
  9. ما شاء الله جدا جميلة الفكرة3> انا فعلا اعاني في اثناء السفر وعيالي الله يحفظهم حركتهم كثيرة ما يهجدون=) بأطبق الفكرة بإذن الله،، شكرا على ابداعك والوقت اللي صرفتيه في كتابة التدوينة،، جدا ❤تعجبني افكارك وحساباتك❤❤

    ReplyDelete
  10. عجيييب .. جهد جبار يعطيك الف عافية

    ReplyDelete
  11. من زماااان ادور على افكار مثل كذا. يعطيك ألف عااافيه🙏🏻✨💕💕💕💕💕💕💕💕

    ReplyDelete
  12. واااااااو روعه روعه روعه جميله مررره الله يعطيك العافيه 🌷

    ReplyDelete
  13. من 2020 .. انشطة جميلة الف شكر 🙏🏻🙏🏻

    ReplyDelete
  14. الله يسعدك ويعطيك العافية مشاركة قيمة ومجهود مبارك الله ينفع بك , جاري الطباعة وباذن الله بعد الانتهاء اشاركك الصورة

    ReplyDelete