Wednesday, August 5, 2015

العاب حركية ممتعة

لكثرة الطلب والاقبال قررت اكتب الموضوع هنا 
(العاب حركية ممتعة)
منها يبقى لفترة ويستفيدون منه ولان الموضوع متشعب


بس نقطة أولى مهمة فيه انشطة بديلة ماتكلفك الا ورق اي فور 

واللي تبي تسوي نشاطات المادة او المشوار مو عائق .. نوعي بين العاب وبين انشطة ورقية او حركية لو بالمراكي, ماضرنا 
لان اغلب الالعاب صراحة غالية ومو شرط تمتلكينها كلها بس قد يناسبك وحده منها والباقي لا
مثلا اجمعي العيديات حقاته واشتري لعبة او مثلا اشتريها هدية لمناسبة معينة مرة بالسنة او مرتين بالكثير
فالانشطة واللعب يحتاج أم تساعد اطفالها وتحاول تفكر معهم وتدور افكار جديدة والاطفال مايقصرون بخيالهم الواسع



الالعاب اللي باعرضها كلها مجربتها واللي عليها اسمي تصويري 

وكلها بعد حركية ممتعة واعتبرها بديل عن الاجهزة 
واشوف انها مره حلوة وتستاهل سعرها لانها لك وللزمن بتعيش لعيالك ولاحفادك بإذن الله
واغلب الالعاب قد قريت عنها او شفت عند احد انها جلست اكثر من 20 سنة ومازالت سليمة وبعضها يلعبون فيها عيالهم
باختصار تتوارثها الاجيال.. 
وبعد تذكرت كلها امريكية من little tikes -  step2
طبعا بالاضافة للالعاب الخشبية مع انها مرات تضيع مثل melissa and doug - ikea



نبدأ بالالعاب الصيفية الخارجية الحلوة 

اولا : لعبة الموية بس وانا افضلها منفصلة عن لعبة التراب عشان ماتنقلب الدنيا طين وحفلة 
اسمها :Little Tikes Spiralin' Seas Waterpark Play Table
Little Tikes Spiralin' Seas Waterpark Play Table
العمر المناسب: سنتين - 6 سنوات
مكان الشراء: العاب الحسين
السعر: 300 أو 290 
فيديو للتوضيح --> هنا 

مره حلوة واقل شي يلعب فيها الطفل حوالي ساعة وتفريغها جدا سهل ويكفي انها تلطف الجو في الحر و
كل جزء فيها فيها فكرة او لعبة معينة ومرات اضيف لعبة ببلز وارفعها وتمتلي الدنيا فقاعات صابون 



ثانيا: لعبة التراب ومره حلوة  لدرجة جالسة حوالي شهرين اطارد وراها .. فيها مميزات جداً اولا لها غطاء مايدخلها حشرات ثانيا منفصلة مافيها مويه ابد . ثالثاً نوع التربة المستخدم رمل شاطيئ طبي عادي حتى لو انوكل ونظيف مرررره وكل فترة اضيفي له موية , الرمل من التعليم المبكر الكيس ب25 ريال وهي تحتاج تقريبا ستة اكياس حسب اذا تبينها مليانة او لا, وفيه منها كراب احمر من ستيب تو متوفر بعد في التعليم المبكر وسعره اغلى من السلحفاة وبعد ممكن تملينها موية بدال التراب

اسمها : Little Tikes Turtle Sandbox

العمر المناسب: سنة - ست سنوات وانا اشوف اكثر الى تسعه ممكن

مكان الشراء: العاب الحسين
السعر: 299 ريال
صور للتوضيح --> هنا 



اللعبة الثالثة: واشوف انها مست هاف اذا بتشترين لولدك او بنتك سيارة خلاص اشتري هذي ومره حلوة وكل ماشريتيها وهو صغير كل ماحللها اكثر ومره حلو ومشهورة جدا وتعيش لك بس طبعا لاتترك في الشمس عشان ماتتغير الوانها, وتقدرين تشترين معها زي محطة البنزين صغير للي تبي تكمل الكولكشن, وبعد فيه حجم اكبر للاطفال الاكبر عمر شكلها مثل الشاحنة

  اسمها: Little Tikes Cozy Coupe


العمر المناسب:  1 ½ -5 سنوات

مكان الشراء: العاب الحسين واغلب الالوان متوفرة فيها ..وبعد مرات في تويز ار اص بس قليلة
السعر: 350 -600 حسب الحجم واللون 
صور للتوضيح --> هنا


اللعبة الرابعة: سيارة وتتزحلق او قطار الموت بس حق صغنونين ماادري وش اسمها بس جداً ممتعة .. ومره حلوة طولها ثلاثة متر تحتاج فقط مساحة في النهاية وامنة الدرج الجاني مايزحلق ومو رفيعة ومره حلوة تجي معها سياراتها وبعض الصغار يقلبونها لسياراتهم الصغيرة , فيه مثلها توماس بس مو موجودة في السعودية

اسمها: Step 2 Up & Down Roller Coaster

العمر المناسب: سنتين - لخمس سنوات
مكان الشراء: العاب الحسين
السعر: 399 
صور للتوضيح --> هنا 



اللعبة الخامسة والاخيرة: زحليقة ومرجية مع بعض , او زحليقة منفصلة وكلهم عندي بس باختلاف المكان.. ميزة اللي مع بعض حلوة لاكثر من طفل 

Step2  Naturally Playful Playhouse Climber & Swing Extension
طبعا باختلاف الشكل بس مره حلوات وتكرف وينبسطون فيها الضيوف الصغار بس غالبا تحتاج ملاحظة ماتتركينهم لحالهم
سعرها مااعرف لانها جت هدية , اما الزحليقة لحالها اظنها ب400 او 300 نسيت



هذا اللي يحضرني و اعجبني من الالعاب الحركية ذات الحجم الكبير وفيها اكثر حاطتهم في الوش لست ,, مثلا بيت كبير ونحط فيه مطبخ

وبعد للي عندها اطفال تحت السنتين تشوف هاللعبة هنا مره حلوة بس مؤقتة بعد ثلاث سنوات مااظن بتستخدم, موجودة الاخيرة في التعليم المبكر سعرها 449 واشوفها رخيصة مقارنة باللي جواتها
وبعد هذي عاجبتني هنا ومره حلوة تناسب عمر سنتين ل15 سنة حسب ماهو مكتوب بس للاسف ماقد شفتها
ومليان مليان العاب بس شوفي ميول طفلك واذا يقدر خليه هو يختار بنفسه 


وبالاخير ارجع اعيد مايهم كم لعبة او بكم بتشترين, المهم الطفل ينشغل بشيء مفيد ويستكشف ويلعب ويتحرك بس من تجربتي هذي افضل الالعاب اللي اشوف طفلي متعلق فيها ونادر مايطفش منها 



اتمنى لكم يوم نشيط سعيد