استخداماتي لـ لمبة القراءة

 لمبة القراءة 💡📚

صح انها لمبة مخصصة للقراءة بس اعترف اني محللتها 👍🏻🤣♥️

واستخدمها لكل شيء تقريبا 

حبيت انها قابلة للشحن ♻️ 

تطول معك بعد كل مره تنشحن

خفيفة وسهلة الاستخدام

الاضاءة مريحة للعين

ومنها ثلاث درجات

احبها في شنطة البيبي المولود 👶🏻

وجنب سريرها لو ابي اشيك عليها

وتنفع بغرف الصغار للي ماتحب شي مشبوك بالكهرب 🔌 

وطبعا هي للقراءة 📚

من امازون 

من كثر ماهي عاجبتني عندي اربع موزعتهم

واستخدمها يومياً واشوفها رائعة

ودائما احب المنتجات القابلة لاعادة الشحن ♻️👍🏻

من امازون (هنا)

ومتوفرة باماكن كثيرة

والنوع هذا اضاءته ليد اصفر لطيفة "مااحب الابيض🤭"

مضخات سحب الحليب 🤱🏻

 مضخات سحب الحليب 🤱🏻

.

.

اجهزة سحب الحليب تساعد الامهات المرضعات خصوصا في البداية لما يكون فيه حليب واحتياج الطفلقليل ✨ (اعتبرها فرصة ذهبية لشفط وتخزين الحليب🍼✨)

الاجهزة كثيرة والخيارات متنوعة 👍🏻

ولكن كمواصفات شخصياً أفضل: 

♥️الاجهزة الكهربائية افضل من اليدوية.

♥️القمعين افضل من القمع الواحد وأسرع.

♥️اختيار جهاز (فئة مستشفيات Hospital grade) اقوى.

♥️يعمل بالشحن والكهرباء👍🏻.

♥️النظام المغلق افضل من النظام المفتوح.

(النظام المغلق: توجد قطعة تمنع تسرب الحليب إلى الانبوب والمضخة

اغلى سعر من اجهزة النظام المفتوح

.

النظام المفتوح:الحليب يتسرب إلى الانبوب والمضخة وبالتالي يصعب تنظيفه ويكون بيئة خصبة للبكتيرياوقد يلوث الحليب، يحتاج تنظيف مستمر اكثر من النظام المغلق)

.

.

جميع المواصفات السابقة موجودة في جهاز سبكترا S1

بالاضافة انه خفيف الوزن وصوته هادي وفيه اضاءة خفيفة ويعمل بالبطارية والكهرباء

ماشريته ولكن متأكدة قريت عنه اكثر من ١٠٠ ريفيو 😂💔 وسمعت عنه من تجارب متابعات و صديقات 

.

فيه انواع من المضخات تناسب الأمهات العاملات بدون اسلاك وغير ظاهرة مثل: Elvie - Willow

عيب هالنوع سعره جداً مرتفع

.

.

وبدون مبالغة اجهزة سحب الحليب (استثمار 💰)

تعيش معك لـ أكثر من طفل

مع تبديل بعض القطع

فالاختيار الموفق يحفظ لك وقتك ومالك 👍🏻😍

.

وبما ان الامهات المرضعات دائما يحبون المساعدة ومشاركة تجاربهم لدعم امهات ثانيات🤱🏻

انتظر تجاربكم الجميلة مع اجهزة الشفط والرضاعة بشكل عام 👍🏻😍

مدرات الرضاعة الطبيعية 🤱🏻🍼

 

اعتبرها من أهم الاسباب اللي خلتني اكمل الرضاعة الطبيعية للآن الحمدلله ♥️

(مو رضاعة طبيعية حصرية لاسباب لايوجد مجال لذكرها)

.

.

في اخر الحمل التحفيز والمساج وابراز الحلمة يساعد المولود كثير في التقام الحلمة الصحيح

وبعدها بيرضع فيبدأ الادرار 👍🏻

حاولي ترضعين الطفل في أول ساعة بعد الولادة

اذا الحالة الصحية مستقرة خليه معك 😍♥️

انا رفضت يأخذون بنتي اول ماولدتها وطلبت ان دكتور الاطفال يزورها وهي عندي وجلست معي😍♥️

واتوقع هالساعات الاولى لها تأثير كبير في الرضاعة الطبيعية👍🏻

.

.

بعدها دور الغذاء والسوائل🍱🥛

التغذية الجيدة مع الماء يساعد كثير على الادرار

مثل المكسرات و السالمون و الشوفان وغيرها كثير

ماانسى فيه يوم ماتعشيت وقل الحليب مره عليها💔

.

.

الشفط:

خيار ممتاز لزيادة الادرار خصوصا بعد مايخلص الطفل رضاعة 🤱🏻 

كثرة الشفط = زيادة ادرار 

.

.

المكملات: 💊

احبها مره لاني شوي عجازة🤭💔 اخذها مع كاس مويه كبير 

اخذت انواع بحلبة وانواع بدون

واللي بدون افضل لاني لاحظت الحلبة معي تفتح الشهية مره 😂💔 والريحة حسب النوع فيه انواعريحتها خفيفة وانواع لا والله قوية 😝

من اي هيرب

من اي هيرب

واستخدم مرات شاي الادرار من اي هيرب ☕️ 

وممكن في البيت تسوين لك خلطة 🫖 (شمر ويانسون وحلبة"اختياري")

من هنا  

واكثر حبوب حبيتها هي legendary milk 

طلبتها من موقعهم ووصلتني خلال خمس ايام

ميزتها مافيها حلبة ابد

وممكن توجد في امازون 

 

..

وش اكثر شي لاحظتيه يزيد الادرار ؟ 🤱🏻